Ritzau

Prigozjin immiussamini: Naapertuilluarneq pillugu pikitsitsivugut

Naapertuilluarneq pillugu Ruslandimut arfininngormat pikitsitsillutik, Ruslandip Ukrainillu akornanni akilersillutik sakkutuut sorsuttartoqatigiit Wagnerikkut siuttuat minutsini aqqanilinnik sivisussusilimmik immiussamini oqarpoq.

Allattoq Ritzau

juunip 27-at 2023 08:51

Nutserisoq Karline Platou

Jevgenij Prigozjin ippassaq ataasinngornermi Ruslandimut atatillugu apeqqusiillutik iliuuseqangajannertik pillugu siullerpaamik tamanna pillugu oqaaseqarpoq, taassuma videoliami oqaatigaa, russinut aattalimmik saassusinissartik pinngitsoorumasimagini.

- Uterpugut, pissutigalugu nunaqqatitsinnut aattalersuerusunnginnatta, taanna taama oqarpoq, namminermi aamma russiuvoq.

Taassuma oqalunnermi ilaani aamma oqaatigaa, namminneq Wagnerikkutut ajuusaarutigigitsik russit timmisartui qulimiguujutaalu eqqaattariaqarsimagamikkit, namminnerlumi aamma kalerrinneqaqqaaratik eqqaanneqarsimanertik aamma eqqaavaa.

- Ingerlaarnerpullu taamaasilluni isumannarunnaarpoq, taanna inuit qarasaasiakkut attaveqaataannut immiussami taama oqarpoq.

Aamma atuaruk NATO-p qullersaa: Ruslandimi saqitsaanneq Putinip pilersaarusiornermik kukkussuteqartarneranik ersersitsivoq

Erseqqissaatigaalu, taamatut ingerlaarnerminnut ”Wagner-gruppenikkut” annaanneqarnissaat matumani siunertaasoq – uppititsinissartillu siunertaanngitsoq, taamatuttaaq oqaatigaa ingerlaarnerminni illoqarfinni tikitaminni tapersersorneqarsimaqalutik.

Sakkutuut Wagnerikkunneersut arfininngormat sakkutuunik arlalinnik tiguaagaluarput. Moskvamullu 200 kilometeriinnarnik avasitsigisumiileraluartullu russit ikinngutaannik Belarussimut isumaqatigiissuteqarallartillutik ornikkaluakkaminnut apuutinngisungatsiaannarput.

Nutaarsiassami kukkunermik nassaarsimaguit uunga allaffigineqarsinnaavugut.