NATO-p qullersaa: Ruslandimi saqitsaanneq Putinip pilersaarusiornermik kukkussuteqartarneranik ersersitsivoq
Rusland atomitortunik sakkussiornissamut pilersaarsaaruteqarneranik pasinartoqanngitsoq, NATO-p qullersaa Jens Stoltenberg oqarpoq.
Sakkutuut akilersittartut wagner-gruppemik taaneqartut Ruslandimi sapaatit akunnerata naanerani pikititsileraluarmata, taama nalunaaruteqartoqarpoq.
Sakkutuut akilersittartut wagner gruppen Ruslandimi pikititsileraluarnerat, russit præsidentiata Vladimir Putinip pilersaarusiorsinnaaneranik kukkussuteqartarnera tassuunatigit ersertoq, Stoltenberg oqarpoq.
- Sapaatit akunnerata naanerani pisut Ruslandimi pipput, pilersaarusiorsinnaanermullu kukkussutit annertuut tassuunatigut takutinneqarput, soorlu qeqertaasap Krimip Ruslandimut ilanngutinneqarneranut Ukrainemullu sorsunneq Putinip kukkussutigisimagai, Stoltenberg oqarpoq.
- Ruslandip saassussisarnini ingerlatiinnaassappagu, Ukrainemut tapersersuisarnitta ingerlatiinnarneqarnissaa pingaarneruvoq, NATO-p qullersaa oqarpoq.
NATO-p qullersaa, Jens Stoltenberg, Litauenip illoqarfiisa pingaarnersaannut Vilniusimut ullumi ataasinngornermi tikeraarpoq. NATO-p Vilniusimi ataatsimeersuarnissaanut juulip ulluisa aqqarnganni aqqaneq- aappaannilu pisussamut piareersarnermut atatillugu.