Arctic Winter Gamesimi ikumatitaq 2023-mi januarip 29-at ikinneqassaaqAssi: Noah Mølgaard

Ukiut arlallit taamaatitsisoqartareersoq: Arctic Winter Games ukioq ataaseq qaangiuppat pissaaq

Inuusuttut 2.000 sinneqartut issittumeersut timersornikkut aaqqissuussarsuarmi Arctic Winter Gamesimi Canadami nunap ilaani Albertami 2023-mi januarip naanerani naapissapput – corona ajornartoortitsinngippat

Arctic Winter Games-mi ikumatitaq pilersaarutit malillugit januarip 23-at 2023-mi ikinneqassaaq.

Timersornikkut taanna aaqqissuussarsuaq 1970-miit ukioq allortarlugu pisartoq 2018-mili ingerlanneqarpoq  allarpassuillu assigalugit corona ajornartoortitsisuuvoq.

Maanna aaqqissuisussat Albertami Wood Buffalomeersut timersortartut 2.000-it missaat kulturilerisunik ilaqartut tikeraartorinissaannut piareersaruttulerput.

Arctic Winter Gamesip nunani tamalaani ataatsimiititaliaani – tassa Arctic Winter Gamesimi oqartussaasut qullersaanni Nunarput sinnerlugu ilaasortaq taama ilisimatitsivoq.

- Arctic Winter Gamesip januarimi 2023-mi pinissaanik aalajangernissaq sioqqullugu sukumiisorujussuarmik misissuinikuuvugut, Karl Davidsen oqarpoq.

- Nunat peqataasartut tamarmik tusarniaaffigineqarnikuupput. Unammersuarnissat januaarip naaneraniit pisussatut inissinneqarput Canadami timersornikkut aaqqissuussat allat pinissaat nalerornaversaarniarlugu, Karl Davidsen oqarpoq.

AAMMA ATUARUK Arctic Winter Games coronap ernumassutiginera pissutigalugu taamaatiinnarneqartoq

Arctic Winter Games 2020-mi aallartinnissaanut sapaatip akunnerinnanngortoq taamaatinneqarpoq corona tuniluuttorujussuanngormat.

Tuniluunneq

2023-mi Arctic Winter Gamesip kingorna Arctic Winter Games tulleq 2024-mi Alaskami pisussanngorpoq. Tamanna pisarnermit allaaneruvoq unammersuarnerit taakku ukioq allortarlugu pisaraluarmata.

- Pisortat aningaasaliissutaasa aaqqissuunneqarnerat Alaskami allaanerujussuugami. Alaskami oqartussaasut tapiissuteqarnissaat qulakkeerniarlugu allatut iliornissaq ajornakusoorpoq, Karl Davidsen nassuiaavoq.

AAMMA ATUARUK Arctic Winter Games 2022 kinguartinneqartoq

Covid-19-mitten toppede i december og januar de seneste to år med rekordhøje smittetryk i forskellige lande.

Coronap tuniluunnera ukiut marluk kingulliit december januarimi nunarpassuarni aatsaat taama annertutigisarpoq.

- Aappaagu ukiup taamaasinerani tuniluunneq taama annertutigissappat kinguartitsineq imaluunniit taamaatitsineq pisinnaanerlutik?

- Tamanna eqqarsaatigineqarsinnaavoq aamma oqaluuserereerparput. Kinguartitsinissaq pinngitsoorniarlugu periarfissat misissorneqarput. Tassaasinnaapput akiuussutissalertissimanissamik piumasaqaat allatigulluunniit killilersuutit, Karl Davidsen oqarpoq.

AAMMA ATUARUK Timersoqatigiit kattuffiata AWG-p kinguartinneqarnera siusigaa

Timersuutini assigiinngitsuni Nunatsinniit aappaagu Arctic Winter Gamesimi peqataatitsinissaq piareersarneqaleruttorpoq.

Kalaallit aalaakkaasumik Arctic Winter Gamesimi peqataasarnerat 1992-mi aallartippoq.

Nunatsinni coronavirusi pillugu
killiffik

Uninngasut 0  
Toqusut 21  
Siullermik kapitissimasut 73%  
Aappassaa kapitissimasut 68%  
corona.nun.gl-imi kisitsit takukkit  
  Nutarterneqarpoq: 
  Apriilip 1-aat 14:00

corona_model_001.png

Nunatsinni coronavirusi pillugu

Coronavirusimik tunillatsinissaq pinaveersaaruk