Arctic Winter Games 2020-mi aamma taamaatiinnarneqarpoq.Assi: AWG2016/VHDesign - Vagn Hansen

Arctic Winter Games 2022 kinguartinneqartoq

Issittormiut ukiuunerani unammersuartarnerat aappaagu ingerlanneqartussaq coronap ernummatigineqarnera pissutigalugu kinguartinneqarpoq. Nunat tamalaat akornanni ataatsimiititaliaa ullumi taama nalunaaruteqarpoq.

Arctic Winter Gamesip innera pilersaarut malillugu Albertami Wood Buffalomi issittumi sumiiffinnit tamaneersunik 2.000-it sinnerlugit peqataasoqarnerani aappaagu marsip ulluisa arfernanni ikinneqartussaagaluarpoq.

Pilersaarut taanna maanna piffissaligaanngitsumik corona pissutigalugu kinguartinneqarpoq. Kalaallit Nunaanni Timersoqatigiit Kattuffiat, KNTK taama nalunaaruteqarpoq.

KNTK naapertorlugu Arctic Winter Gamesimut nunat tamalaat akornanni ataatsimiititaliaq ukiuunerani unammiuaarnissat piffissami killiligaanngitsumi taamaatinneqarnerannut aalajangiisuuvoq.

Unammisartut, sungiusaasut, kajumissutsimik suliaqartut isiginnaartullu peqqissutsikkut isumannaallisaanikkullu pitsaanerpaamik qularnaarneqarnissaat pissutigineqartoq, ataatsimiititaliaq paasissutissiivoq.

KNTK: Ajuusaarnarpoq

Kalaallit Nunaanni Timersoqatigiiffiit Kattuffiata tamanna uggoraa.

- Ajuusaarnaraluartumik Arctic Winter Games 2022 kinguartinneqarpoq, AWG-mi tassaavoq inuusuttut timersortartuutitta nunat tamalaat akornanni unammiuaarnerni ikaarsaariarfittut atortanaat.

- Timersortartutut unamminermi misilittakkanik ilinniarfiullunilu ineriartorfiusartoq. Arctic Winter Gamesip anersaarivaa issittormiut akornanni inuusuttut kulturikkut timersornikkullu paarlaasseqatigiiffiusumik pingaaruteqarluinnartumik misigisaqarfigisartagaat.

Kalaallit Nunaanni Timersoqatigiiffiit Kattuffiata siulittaasua, Nuka Kleemann tusagassiuutinut nalunaarummi oqarpoq.

AAMMA ATUARUK Arctic Winter Games coronap ernumassutiginera pissutigalugu taamaatiinnarneqartoq

Taassuma coronap nunarsuaq tamakkerlugu tunillaassuunnera nunarsuarmi illorraap tungaanut ingerlasoqalernissaa neriuutigaa, kalaallillu timersortartut unamminissamut piareersimajuarnissaat kaammattuutigalugu.

Arctic Winter Games coronamik tunillatsittoqarnissaata aarlerigineqarnera pissutigalugu siorna taamaatiinnarneqarpoq.

Arctic Winter Games ukioq allortarlugu ingerlanneqartarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat