Arctic Winter Gamesimi ikumatitaq sapaat martsip 15-iat ikinneqartussaagaluarpoq. Assi: Noah Mølgaard

Arctic Winter Games coronap ernumassutiginera pissutigalugu taamaatiinnarneqartoq

Arctic Winter Gamesimik aaqqissuisut arfininngornermi unnukkut aalajangerput Arctic Winter Games taamaatiinnarneqassasoq.

Arctic Winter Games 50-issaat illoqarfimmi Whitehorsemi nunap immikkoortuani Yukonimi sapaatip akunnerata naanerani tullermi aallartittussaagaluarpoq.

Taamaatitsiinnartoqarnera coronavirusip tuniluunnissaata annilaangassutigineqarneranik pissuteqarpoq.

AAMMA ATUARUK Coronavirusip ernummatiginera: Namminersorlutik Oqartussani sulisut imminnut eqitaaqqusaajunnaartut

Arctic Winter Gamesip taamaatiinnarneqarnissaa pillugu Yukonimi peqqinnissamut oqartussaasut inassuteqartuupput. Unammiuaarnerit issittumiit 2.000-it missaannit peqataaffigineqartussaagaluarpoq.

- 2020-mi Arctic Winter Gamesip taamaatiinnarnissaa iliuuserineqarsinnaasuni akisussaassuseqartuliornerusoq aalajangiunneqarpoq, Arctic Winter Gamesimik aaqqissuisut nalunaarput.

AAMMA ATUARUK Ataatsimiititaliarsuaq: 1000-imik amerlanerusut katersuunnissaat unitsillik kinguartillilluunniit

Nunatsinni timersoqatigiit kattuffianni siulittaasoq Nuka Kleemann ilisimatitsivoq Nunatsinniit peqataasussaagaluartunut GIF ilisimatitseqattaarluni aallartereersoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat