Ukiuni qulini sinneqartoorutit annersaat

Ukioq naatsorsuiffik 2014/15 tassaavoq KNI-mut ingerlalluarfik, ukiormi tassani akileraaruteqartigatik 86-million koruuninik iluanaaruteqarput. Ukiup siulianiit 24 million koruuninik annertunerusunik isertitaqarnerullutik, taamaattumik ukiuni qulinngortuni aatsaat taama angusarissaartigalutik.

Aammaarluni Polaroil tassaavoq isertitanut iluaqutaanerpaasimasoq. Suliffeqarfiummi siorna ikummatissamik imerpalasumik pilersuinikkut angusai 62 million koruuniusimapput, siornaammiillu 8 million koruuninik iluanaarnerusimallutik.

Aamma atuaruk Pissarsiffiulluartartoq KNI-miiginnassaaq

KNI A/S-llu angusartik nammineq iluarisimaarlugu allapput.

Suliffeqarfiup nalunaarutigaa nioqqutissanik tuniniaaffimmi siuariarfiusimasoq, tassanilu 22 million koruuninik sinneqartoorfiusimasoq.

Aamma atuaruk KNI: 62 millioni koruuninik sinneqartoorpoq

Sulisut 1000-ngajaat

Kiisami piginnittut angusaannik iluanaarfiusumit iluarusussinnaapput. Tassami namminersorlutik oqartussat sinneqartoorutinit 30 million koruuninik tunineqarpoq.

KNI ukiumi naatsorsuiffimmi 2014-mi 912-nik sulisoqarpoq, tamakkiisumillu sulisut 742-ut naatsorsuunneqarsinnaallutik.

Aamma atuaruk Siulersuisut taarserneqarnerat annerusumik oqaaseqarfigerusunngilaat