Ukioq manna apriilimi aatsaat taama kiatsigaaq

Nunarsuarmi sumiiffiit ukioq manna apriilimi kiannersaat ilaat tassaapput Skandinavia Kalaallillu Nunaat. Ukioq manna apriilimi kiannera Nunarsuarmi kiattarnerata 1880-imili uuttortarneqartalerneraniilli kiannerpaat tulleraat. TV2 taama allaaserisaqarpoq.
Assi © : Aviaaja olsen
Allattoq Karsten Sommer
maajip 23-at 2019 16:40
Nutserisoq Mads Lynge

Pingaartumik Kalaallit Nunaata ilarujussuani Skandinaviamilu, kangiatalu avannarpasinnerusortaani qiterpasissuanilu apriilimi kiangaatsiarpoq, apriilimi kiattarnera agguaqatigiissillugu gradinik pingasunik qummut qaangerlugu.

Qaammatit 412-it tulleriissillugit pisarnermit nunarsuup ilaani taamaasilluni kianneruvoq.

Kangerlussuarmi pisarnermit agguaqatigiissillugu gradinik arfinilinnik apriilimi kianneruvoq, apriilillu naajartulernerani ullut ilaanni 17,3 gradinik kialluni. Kangerlussuarmi apriilimi agguaqatigiissillugu -7,8 gradinik issittaraluarpoq.

Apriilimi nalinginnaasumit ukioq manna kiannerunera pissutaalluni Sermersuup ukiup ingerlanerani aakkiartortarnera siusinnerusukkut aallartippoq.

Sermersuup ukioq manna aakkiartornera apriilip ulluisa 30-anni aallartippoq, kingullermik taamaalisoqarmat 2016-imi tamanna pilluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq