Inatsisartut: Ukiaanerani ammaanersiorluni oqallinnissaq kinguartinneqartoq

Inatsisartut ukiaanerani ammaanersiorlutik oqallinnissaat pilersaarutit malillugit aqagu pisussaagaluarpoq. Massakkulli pisut tassa USA aamma Danmark isumaqatigiissutaasussarlu pillugit sisamanngornermut kinguartinneqarpoq.

Allattoq Paarnannguaq Nielsen

septembarip 20-at 2026 13:41

Nunatta USA-p Danmarkillu akornanni isumaqatigiissuteqartoqarsimaneranik tallimanngormat saqqummiussisoqareersorlu, naalakkersuisut siulittaasuata oqalugiaataa pillugu aqagu oqallinnissaq kinguartinneqartoq Inatsisartut sapaammi ualisoq nalunaaruteqarput.

Sisamanngornermi oqallittoqarumaartoq, Inatsisartut Allattoqarfiat tusagassiuutinut nalunaarummi allappoq.

- Ammaanersiorluni oqallinneq septembarip 21-anni pisussaagaluartoq septembarip 24-anni kinguartinneqarpoq.

Tamanna inatsisartuni aqagu ataatsimiittoqassannginneranik isumaqarpoq.

Sisamanngornermi oqaluuserineqartussat septembarip 28-anni oqaluuserineqartussanngortinneqartut aamma allaqqavoq.

Oqaluuserisassat nutarterneqarnerat Inatsisartut nittartagaanni uani malinnaavigineqarsinnaapput.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.