Timersorneq

Ukaleq IBU-Cup-mi aallartilluarpoq

19-nik ukiulik sisoraaserluni ooqattaasartartoq Ukaleq Slettemark maanna Tysklandimiippoq inersimasut unammersuarneranni IBU-Cup-mi peqataalluni

Allattoq Noah Mølgaard

januaarip 19-at 2021 09:31

Centimeterit millimeterillu arlaqanngitsuinnaat sisoraaserluni ooqattaasarnermi unamminerni marlunni assigiinngissutaangaatsiarsinnaapput.

Tamanna Ukaleq Slettemarkip sapaatip akunnerata naanerani misigivaa 7,5 kilometerimut Tysklandimi Arberimi unammeqataagami marloriarluni ooqattaasarnertalimmik. Sisamanngorneq januarip 14-at Ukaleq uniunngivilluni nersualaartarialimmik normu 16-tut inissippoq.

AAMMA ATUARUK Sisoraaserluni ooqattaasarneq: Ukaleq OL-mut ummarissaarpoq

IBU Cup sisoraaserlu ooqattaasartartut kattuffissuata aaqqissuussaraa. IBU Cupimi peqataasartut tassaanerupput nunarsuarmi kakkannerpaat unammersuarneranni World Cupimi peqataasalernissamut piareersartutUnamminerali siulleq maluginiarneqarpoq tassanilu russit siuttuni qullerpaat pingasut pissarsiaraat. Ukaleq Slettemark Norgemi U-23-ni nunanut allanut unammisartuni sungiusaqatigisakkamini kisiartaalluni unamminernut taakkununnga annguppoq.Qoorortuuaralerluni arfininngorneq januarip 16-at unammeqqippoq aamma 7,5 kilometerimut unammisoqarmat. Tassanili Ukaleq pingasoriarluni uniorpoq taamalu peqataasunit 132-usuni normu 75-tut inissilluni.

Inuusuttuaqqanut VM

Norgemeersuni angusarissaarnersaavoq normu 23-nngorpoq ullorlu taanna ooqattaasarneq anorimit nittaalamillu akornusersorneqarpoq.

- Ukiormanna IBU-cup-mi peqataaqqaarnera assut iluarisimaarpara, pingaartumik ooqattaasarnertaa. Ooqattaasarnermi tukumanaversaarpunga anori naatsorsorluarumallugu tamannalu imminut akilerpoq, Ukaleq Slettemark januarip 14-at unammineq pillugu oqarpoq.

AAMMA ATUARUK Sisoraaserluni ooqattaasarneq: Ukaleq quleriarluni seqqorami arfineq pingasut eqqorpai

Sisoraaserluni ooqattaasarnermi inuusuttuaqqat nunani tamalaani unammineri uninngagallarput. Taamaattumik Ukaleq Slettemark inersimasut unamminerini peqataasarpoq misilittakkatigut pissarsiffigilluakkaminik.

- Tupinnaannarpoq ukiumi unaffimmiussumi maanna World Cup aamma IBU cup peqataaffigereerakkit inuusuttuaqqanut IBU junior Cup peqataaffissaraluara ukiormanna taamaatiinnarneqarmat, Ukaleq Slettemark oqarpoq.

U-23-it sisoraaserluni ooqattaasarnermi VM-qarnissaani februarip naanerani peqataassaaq. IBU cupimi pingasunngornermi aamma unammeqataaqqissaaq tassanilu 12,5 kilometerimut unammisoqassaaq sisamariarluni ooqattaasarnertalimmik.

Ukaleq IBU-Cup-mi aallartilluarpoq

Inuusuttuaqqanut VM

Aamma atuaruk