Lars Emil: Aleqap Folketingimiiginnarnera erloqinarpoq
Partiillu allattaata Mikael Petersenip oqaatigaa Socialdemokratinik naalakkersuisunillu suleqateqarnertik annertusartariaqaraat.
Partii Siumup Folketingimi suli ilaasortaatitaqaqqilersinnaanissaa neriuutigigini, Siumup siulittaasorisimasaata, naalakkersuisullu siulittaasorisimasaata, Inatsisartunilu maanna siulittaasup Lars-Emil Johansenip AG-mut oqaatigaa.
Tamanna maannaannaq qinersisoqarneratigut, immaqaluunniit silatuumik isumaqatigiissuteqartoqarneratigut pisinnaasoq Lars-Emil Johansenip oqaatigaa, Aleqa Hammondilu sinniisussaminit Jens-Erik Kirkegaardimit taarserneqarneratigut tamanna pisinnaasoq aamma oqaatigalugu.
Kim Kielsenip Socialdemokratit siuttuinik attaveqarnissaa Lars-Emil Johansenip siunnersuutigaa:
- Pissutsit Aleqamut, Kalaallit Nunaannut Siumumulluunniit iluaqutaanngillat, periarfissarpassuaqarsinnaavorlu. Aleqap tunuartinnissaanut inatsisartoqarnikkut periarfissaqanngilaq, inuilli oqaloqatigineqarsinnaapput. Kiammi tamanna iluaqutigissagamiuk, Aleqap qaammammusiaqarnerata saniatigut? Lars-Emil Johansen, AG-mit apersorneqarnermini ilaatigut aperivoq.