Uffe Ellemann peruluttoq

Uffe Ellemann-Jensen (V) kræfteqarluni sivisuumik napparsimasimasoq Rigshospitalimut ataasinngormat unippoq.
Uffe Ellemann-Jensen Royal Greenlandip siulersuisuini 1993-imiit 2002-ip tungaanut ilaasortaavoq. Assi © : Baltic Development Forum/flickr
Allattoq Ritzau, Helle Nørrelund Sørensen
juunip 17-at 2022 08:42

Danmarkimi nunanut allanut ministeriusimasoq partiillu Venstrep ukiorpassuarni siulittaasorisimasaa Uffe Ellemann-Jensen kræfteqarnini peqqutigalugu perululersimasoq Rigshopitalimi maanna uninngasoq, Uffe Ellemann-Jensenip ernera Jakob Ellemann-Jensen Venstreni maanna siulittaasuusoq Facebookimini aallappoq.

- Ataatarput Rigshospitalimut ataasinngormat unippoq. Ukiorpaalunni kræfteqarnini peqqutigalugu maanna peruluppoq. Nalunaaquttallu akunnerini kingullerni ajoraluartumik pitsanngoriartorani perulunneruleriartorpoq.

80-inik ukiulik Uffe Ellemann-Jensen Venstremi 1984-imiit 1998-imut siulittaasuuvoq Poul Schlüterillu ministeriunerani nunanut allanut tunngasunut ukiuni aqqanilinni ministeriuvoq.

Uffe Ellemann-Jensen Royal Greenlandip siulersuisuini 1993-imiit 2002-ip tungaanut aamma ilaasortaavoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk