Tyskit, islandimiut norskillu Danmarkiliarsinnaanngortut

Danmarkip killeqarfii coronavirusip ajornartoortitsinera pissutaalluni marsip ulluisa 14-iannili matoqqapput. 
Killilersuinerilli ilaat suli atuupput, takornariallu sivikinnerpaamik ulluni arfinilinni Københavnip avataaniinnissaminnut inniminnereersimassallutik. Assi © : Scanpix
maajip 29-at 2020 11:40
Nutserisoq Hanne Petersen

Danmarkip killeqarfii coronavirusip tunillaassuunnera pissutaalluni qaammatini pingasungajanni annerusumik minnerusumilluunniit matoqqapput.

Takornarialli tyskit, norskit islandimiullu juunip ulluisa 15-ianni atuutilersumik Danmarkiliarsinnaanngussapput. Killilersuinerilli ilaat suli atuupput, takornariallu sivikinnerpaamik ulluni arfinilinni Københavnip avataaniinnissaminnut inniminnereersimassallutik.

Sverigelu suli isumaqatigiissuteqanngilagut. Danmarkip ministeriunera, Mette Frederiksen (S), tusagassiortunik tallimanngornermi katersortitsinermi taama ilisimatitsivoq.

Danmarkip killeqarfii coronavirusip ajornartoortitsinera pissutaalluni marsip ulluisa 14-iannili matoqqapput. 

AAMMA ATUARUK Ulloq kiisami aalajangerneqarpoq: Nunarput juunip 15-iani ammaqqissaaq

Nunarput aamma juunip ulluisa 15-ianniit ammariartuaaqqilissaaq. 

Nunatsinniit angallanneq inerteqqutaajunnaarmat nunatsinniit Danmarkiliartoqarsinnaanngorlunilu Islandiliartoqarsinnaanngorpoq. 

Nunatsinnulli angallannermut inerteqqut juunip ulluisa 15-iata tungaanut suli atuukkallarpoq. Tassa imaappoq, nunatsinnukaqqinnginnermi nunatsinnut uternissamut Namminersorlutik Oqartussanit akuerineqarsimanissaq piumasaqaataavoq. 

Inuit sapaatit akunnerannut amerlanerpaamik 600-t juunip ulluisa 15-ianni atuutilersumik nunatsinnukarsinnaalissapput.

Nunatsinnukarniat aallannginnerminni coronavirusimik tunillanneqarsimannginnermik uppernarsaateqassallutillu nunatsinnut tikinnerminniit ullut tallimat kingorna pinngitsooratik misissorteqqissapput.