TV-kkut katersuiniarneq tallimanngorpat

Juullip aappaani asiami ajunaarnersuarmut KNR-TV-p katersuiniartitsinissaanut sapaatip akunnerinnanngorpoq, sulilu katersineq nunatsinni soqutigineqarluarpoq.

KNR-TV Nuup katersortarfianiit toqqaannartumik aallakaatitsilluni februaarip sisamaani katersuiniassaaq.

Aningaasaqarnermut naalaakkersuisoq Tuusi, Josef Motzfeldt katersuiniarnermi illersuisuussaaq.

Katersuiniarnermi kalaallit røde korsiat, Nuuk TV, sinerissamilu TV-qarfiit aamma peqataassapput, piareersaaqataapputtaaq Tele Greenland aamma siunnersuisarfik Toornaq Consulting.

KNR-TV tallimanngorpat februaarip sisamaani nal. Arfineq-pingasuniit aqqarngup qeqqata tungaanut toqqaannartumik aallakaatitsissaaq.

Aallakaatitsinermi ilanngutassiisoqartassaaq, akitsorterussisoqartassaaq alikkusersuisoqarlunilu.

Sinerissami suliffeqarfiit, peqatigiiffiit kattuffiilluunniit tunisiumasut takuneqarsinnaajumaarput.

Niels Henrik Lynge, Elisa Jerimiassen, Nikku Olsen aamma Ajaaja Rosing toqqaannartumik aallakaatitsinermi ingerlatsissapput, tunissuteqarumasunik tigooraassallutik.