Assi: Maanuup Atuakkiorfia

Tuttuarannguaq pillugu atuakkiaq nersornaasigassatut innersuunneqartoq

Nunat Avannarliit Killiit Siunnersuisoqatigiivisa meeqqanut inuusuttunullu atuakkianut 2019-imi nersornaasiinissaanni tuttuarannguaq piniartut piniarneranni anaanaaruttoq pillugu Camilla Sommerip atuakkiaa Pernille Kreutzmannillu assiliartassanillu titartagartalersugaa nersornaaserneqartussatut piukkunneqarpoq.

Nunat Avannarliit Killiit Siunnersuisoqatigiivisa meeqqanut inuusuttunullu atuakkianut 2019-imi nersornaasiinissaanni “Tuttuarannguaq” nersornaaserneqartussatut piukkunneqarpoq.

AAMMA ATUARUK Fornem nordisk miljøpris til naturressourcerådet i Attu

Atuakkiortup Camilla Sommerip tuttuarannguamik qimataasumik oqaluttuarnermini inuit misigissusaat assigiinngitsut iserfigai.

Misigissutsit soorlu aliasunneq, ikinngutigiinneq, ataqatigiinneq ileqqorissaarnissamullu unammillernerit ilaatigut atorneqartut, Nunat Avannarliit Killit Siunnersuisoqatigiivisa atuakkamik nassuiaateqarnerani ilaatigut allassimavoq.

AAMMA ATUARUK Kammagiinneq pillugu atuakkiaq nersornaasigassatut innersuunneqartoq

“Tuttuarannguaq” Nunatsinnit meeqqanut inuusuttunullu atuakkianit nersornaaserneqarnissamut piukkunneqartutuaavoq, Nunat Avannarlernit atuakkiat allat 13-it nersornaaserneqarnissamut piukkunneqarput.

Nersornaasiinermi toqqarneqartoq Stockholmimi Nunat Avannarliit Siunnersuisoqatigiivisa ataatsimiinneranni saqqummiunneqassaaq, nersornaaserneqarnermi takussutissaq “Nordlys” tassa “Arsarnerit” aningaasallu 350.000 koruunit tunniunneqassapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat