Tuniniagaq: Neqi A/S

Savanik toqoraavik Narsamiittoq, Neqi A/S, KNI-mit suli tuniniarneqarpoq, pisisussalli piukkunnarsinnaasut suli nassaarineqaratik. Kiffartuussinissamut isumaqatigiissutit siornatigut ukiunut arlalinnut atuutsinneqartaraluarlutik sivikillineqarput.
septembarip 16-at 2008 11:44

Neqi A/S-ip tuniniarneqarnissaa KNI-p 2006-imi upernaakkut ataatsimeersuarnerani aalajangiunneqarpoq, suliarlu suli ingerlalluni:

- Niuerluarneq naapertorlugu Neqi tuniniarneqarpoq, pisisussanilli piukkunnartunik suli saaffiginnittoqanngilaq, toqoraaviup illutaasa pisoqaavallaarnerat ilaatigut aamma pissutaasinnaammat, KNI A/S-imi siulersuisuni siulittaasoq, Simon Olsen, oqarpoq.

Kiffartuussinermut isumaqatigiissut ukiumik ataatsimik sivisussusilik maanna atuutsinneqarpoq, ukiunut arlalinnut atuuttussamik kiffartuussisoqarani, Simon Olsen oqarpoq.

Isumaqatigiissutit ukiunut arlalinnut siornatigut atuutsinneqartarput, maannali ukiumik ataatsimik sivisussuseqartarlutik.

Ukioq manna qaammatinut siullernut arfinilinnut naatsorsuutit naapertorlugit 700.000 koruunit missaannik amigartooruteqartoqarpoq, amigartoorut siornamut naleqqiullugu annikinnerulluni.

Siorna piffissap taamaalinerani amigartoorutit 3,7 millioni koruuniupput.

Neqi A/S-ip Namminersornerullutillu Oqartussat isumaqatigiissutaat naapertorlugu suliffeqarfik ukiumut 4 millioni koruuninik tapiiffigineqartarpoq.