Ritzau Nunanit allanit

Trumpip siunnersortaata nunarput pillugu kissaatit oqallisigigai

Præsident Donald Trumpip isumannaallisaanermut tunngasunut siunnersortaa John Bolton, USA-p Danmarkimi aallartitaanik Carla Sandsimik ippassaq sisamanngornermi ataatsimeeqateqarpoq.

Allattoq Ritzau

septembarip 06-at 2019 08:37

USA-p Kalaallit Nunaannik aningaasarsiornikkut attaveqarnerata qanoq ilillu nukittorsarneqarsinnaanersoq ataatsimiinnermi pingaarnertut eqqartorneqarpoq.

Aviisi The Hill taama allaaserisaqarpoq.

Issittoq, niueqatigiinneq, aningaasarsiornikkullu USA-p Kalaallit Nunaatalu akornannni attaveqaatit pitsaanerulersinnersinnaanissaat eqqartorneqarsimasut, Boltonip Sandsillu ataatsimiissimanerannit assilisami allaaserineqarpoq, asserlu Twitterikkut saqqummersinneqarluni.

- Carla Sandsimik ataasimeeqateqarneq pissarsiffiulluartoq, Danmarkimut, Kalaallit Nunaannut Savalimmiunullu attaveqarnerit pillugit itisiliineq, John Bolton ilaatigut oqarpoq.

- Issittoq nukissiuuteqarnikkullu isumannaallisaaneq, niueqatigiinneq, USA-llu Kalaallit Nunaannut atatillugu aningaasarsiornikkut attaveqaataasa nukittorsarneqarnissaat, Bolton, Twitterikkut itisiliivoq.

AAMMA ATUARUK Naleraq: USA-mik isumaqatigiinniarsinnaaneq misissorneqartariaqarpoq

Aatsitassarsiornermi suliniutinut aningaasaleeqataasinnaaneq, mittarfiillu piorsarneqarnissaat taassuma ilaatigut taakkartorpai.

Donald Trumpip Kalaallit Nunaannik pisiarinnikkumanera, tusagassiutitigut qaammatip siuliani sammineqangaatsiarpoq.

Kalaallit Nunaata isumannaallisaaniarnermi assigisaanullu pingaaruteqarneram Trumpip piserusunnerminut atatillugu taamanikkut tunngavilersuivoq.