Trumpip paasartut kattuffianni siuttuusimasoq ilinniartitaanermut ministerinngortinniaraa

Præsidentissatut qinigaasup Donald Trumpip siornatigut paasartut peqatigiiffianni siuttoq Linda McMahon ilinniartitaanermut ministeritut toqqarpaa.

Ukiuni sisamani kingullerni America First Policy Institutemi siulersuisut siulittaasorisaat, angajoqqaat pisinnaatitaaffii pillugit illersuisuusoq, Trump oqarpoq.

Ilinniarfissamik toqqaasarnerup inerisarneqarnissaanik qasuttuilluni McMahon iliuuseqartarumaartoq ilanngullugu oqaatigaa.

Trumpip siornatigut præsidentiunermini McMahon pisortanit aningaasalersorneqartumi namminersortuaqqanut isumaqatigiissusiortoqartillugu aamma aningaasaqarnikkut suliani siunnersortitut SBA-mi atorfeqareerpoq.

Qangaaniilli ukiut qulit matuma siornali Donald Trump presidæntinngorniaqqaalermalli McMahon tapersersuivoq.

Nalunnginneqareersoq qaavatigut paasartut peqatigiiffianni WWE-mi uini peqatigalugu siulittaasuuvoq.

Trumpip aappaagu januaarip ulluisa 20-anni ivertinneqarnissaanut allaffissornermi akisussaajumaartut toqqartuleruttorpai.