Nunat tamalaat silap pissusia pillugu isumaqatigiinniapiloortut
Aserbajdsjanimi silap pissusia pillugu ataatsimiititaliarsuarmi COP29-mi nunani atugarissaartuni atugarlunnerusunilu qanoq aningaasat agguataarnissai pillugit aaqqiagiinngittoqarpoq.
Sapaatit akunnerata siulianili nutaamik aningaasartuutit atugarlunnerusunut qanoq agguataarneqarnissai isumaqatigiinngissutaavoq.
COP29-mi anguniakkat pingaarnerit ilagagaat, silaannaap kissakkiartornera akiorniarneranik aningaasaliissutit nunani atugarlunnerusuni iluamik pilersaarummik peqarnissai.
COP-imi isumaqatigiissut ullut sisamat qaangiuppata inaarneqartussaagaluartoq, suli aaqqiagiinngittoqarpoq.
Qaqagu iliuuseqartoqarnissaa, aningaasaliisussat kiisalu qanoq amerlatigisut illikartinneqassasut ataatsimiinnermi isumaqatigiinniutaapput.
Nunat killiinit USA siuttoralugu aatsaat taama aningaasanik suliniummut atugassanik tapersiisukitsigaaq. Aningaasat nunat ineriartortunut atugassaapput, taakkulu USA-kkunnut sanilliullugit siornatigut taama mingutsitsitiginngillat.
Isumaqatigiinniarneq salliunneqartussaq nukinginnarsivoq. FN-imi Naalagaaffiit Peqatigiit qullersaata António Guterresip G20-mi ataatsimeersuarnermi nunat atugarissaarnerit aningaasaateqarnerillu tapersiinissaannik kaammattuuteqarfigai.
