Aningaasat naleerukkiartornerat Grækenlandimi suliumajunnaartoqarneranut pissutaasoq

Grækenlandimi nunap annersaani suliumajunnaartunik akunnerni 24-ini ullumikkut eqqugaasaaq.

Nutaarsiassaqartitsivik dpa taama allappoq.

Suliffeqarfiit pisortanit ingerlanneqartut soorlu meeqqeriviit, aalisakkeriviit, atuarfiit allallu matoqqassapput.

Grækenlandimi aningaasaqarnikkut aaqqissuussinerit naammagittaalliutaaneri suliumajunnaarnermi patsisaapput.

Aningaasat naleerukkiartorneri namminersortuni pisortallu suliffeqarfiutaanni sulinermi akissarsiat qaffattannginnerisa naalakkersuisuinit iliuuseqarfigineqarnissaat suliumajunnaarnermi noqqaassutaapput.

Suliumajunnaarneq nunatta nalunaaqutaa malillugu ullaaq arfineq-pingasunut aallartippoq, sulisartullu naammaginngisatik suaartaatigaat.