Kim Jong-unip nunaminni sakkutuut siuttui sorsunnissamut piareersaaqqugai
Kim Jong-un nunamini sakkutuut sungiusarnerunngitsumik sorsutivinnissamut piareersaqqullugit naalakkiivoq.
Nutaarsiassaqartitsivik Korea avannarlermit aningaasalersorneqartoq KCNA taama Reuters nalunaarpoq.
USA aamma Korea kujallermi sakkutuut koreamiut qeqertaasa ilaannut isaanissamik pilersarut Kim-ip akuersaarsinnaanngilluinnarpaa.
Tamannalu aallaaviulluni taama sakkutuuminik sillimaqqusivoq.
Dronit sorsuunnermi sakkutut atorneqarlutik qaartussiarineqartartut amerlasuut Koreap avannarliup siuttuata sapaatit akunneri siuliini pilersinneqarnissaanik naalakkiuteqarpoq.
Korea avannarlermiut russit tapersersorlugit Ukrainemi ikinnerpaamik 10.000-nik sakkutuuliisorineqarput.
Taama Korea kujallermiut Ukrainemiullu pasilliuteqarput.
Ruslandimi presidæntip Vladimir Putinip Korea avannarlerni naalakkersuinikkut siuttoq sapaatit akunnerisa siuliani isumaqatigiissummik atsioqatigaa.
Atsioqatigiinneq piaartumik illersuinikkut qisuariarnissamik imaqarpoq. Ima paasillugu: nunat najummami oqartussaaffigineqartunilu saassussisoqarpat, aappaata ikiussagaanik atsioqatigiinneq imaqarpoq.
