Ritzau

Putin Korea Avannarlermut tikeraartoq

Ruslandip præsidentiata Vladimir Putinip Korea Avannarliup siuttua Ruslandimut siorna tikeraartuusoq maanna tikeraarpaa.

Allattoq Ritzau

juunip 18-at 2024 08:44

Nutserisoq Dora Evaldsen

Ruslandip præsedentia Vladimir Putin Korea Avannarlermut marlunngornermi pingasunngornermilu tikeraassaaq.

Kreml taama nalunaartoq, russit naalagaaffiata nutaarsiassaqartitsivia Tass ataasinngornermi allappoq.

Putin Korea Avannarlermut Ruslandip killeqarfianiit kilometerit 17-it missaanni ungasinngisaaniittumut tikeraalersaartoq, qaammaterpaaluit matuma siornali paasinarsivoq.

Aamma atuarukRusland Korea Avannarlermi qaammataasialiornermut ikiuunnissamik piareersimasoq

Nunat taakkua iliuutsitik pillugit nunanit assigiinngitsunit assigiinngitsutigut mattussaaqqapput. Ruslandillu Ukraine 2022-mili saassummagu Korea Avannarlerlu qanilligaluttuinnarput.

Korea Avannarliup siuttuata Kim-Jong-un-ip Putin ikinngutinnersumik tikeraaqqusimagaa, Kremlimit oqaatigineqarpoq.

Putin Ruslandimi 2000-mi præsedentinngoqqammerluni Korea Avannarleq tikeraaqqaarpaa. Kim-Jong-un-ip angutaa Kim-Jong-il taamanikkut naapippaa.