Korea Avannarliup Ruslandimi sakkutuuliisimaneragaanera USA-p ernummatigigaa

Korea Avannarlermiut russinut tapertaallutik Ukrainemi sorsuunnermut ilanngunneqarnerat, USA-mi oqartussat ernummatigaat.

Robert Wood USA-mi FN-ip ataani viceambassadøri FN-ip illersornermut ataatsimiisitaliaani oqarpoq.

Sakkutuunik 10.000-nik Korea Avannarlermiut nassiussisut, Ukrainemi præsidentiusup Volodymyr Zelenskyj-p pasilliutigaa.

Zelenskyj-p oqarnera naapertorlugu sakkutuut oktobarip aallaqqaataani sorsoqataalissapput.

Korea Kujallerup isertortumik paasiniaasartuisa oqarnerat naapertorlugu, sakkutuut 1500-t Ruslandiliaanneqarput, kingorna Ukrainemut russinut tapertaallutik sorsugialersut allanik malitseqarnerarpaat.

USA-mi viceambassadørip pisoq ilumuussappat, pigaluttuinnartoqarnissaa ernummatigaa.

Taama pisoqarnera russit oqartussaannit miserratigineqarpoq.