Korea Avannarliup russinut illersuilluni Ukrainemi sakkutuulisimaneragaanera USA-p ernummatigigaa
Korea Avannarliup sakkutuuisa russinut illersuillutik Ukrainemi sorsoqataalersimanerannik nalunaarut USA-p ernummatigaa.
USA-p isumannaallisaaniaqatigiivisa oqaaseqartartuat Sean Savett marlunngornermi taama oqarpoq.
Korea Avannarliup russinut tapersersuillutik sakkutuuliinerannik pasilliut Ukrainep presidæntiata Volodymyr Zelenskyj-p sapaammi oqaaseqarnerminni ilannguppaa.
Korea Avannarliup sakkutuuisa sorsuffimmut akuliunnerat, Ukrainep naalagaaffiata isertortumik paasiniaasartuinit paasisssutissat pisimallugit taanna oqarpoq.
Ruslandimi oqartussat paasissutissat pivisunik tunngaveqannginnerarpaat.
Korea Avannarliup Ruslandillu Ukrainemi ataatsimoorussamik sakkutuuliisimaneragaanerat ilumoorpat tamanna illersornissakkut nukittunerulerataataannaasut, USA-mi præsidentip illorsuanit oqaaseqaammi allaqqavoq.
