FN-ip sakkutuui eqqissisimatitsisussat Libanonimi inissisimaffimminiiginnassasut
Naalagaaffiit Peqatigiit (FN) Libanonimi sakkutuui eqqissisimatitsisussat Unifilimik taaguutillit Libanonimiiginnassapput.
Unifilip qullersaa Jean Pierre Lacroix FN-ip sakkutuui tallimat Libanonip kujasissuani sapaatit akunnerata siuliani ikilerneqarnerisa kingorna taama nalunaarpoq.
FN-ip sakkutuuisa Libanonip kujasissuanit tunuarnissaat, Israelip ministeriunerata Benjamin Netanyahup ataasinngornermi kaammattuutigeqqippaa.
Unifililli qullersaata oqarnera naapertorlugu taamaaliortoqarnavianngilaq.
FN-ip sakkutuui Libanonimiiginnassasut, Naalagaaffiit Peqatigiit qullersaata Antonio Guterresip ataasinngornermi siusinnerusukkut aamma nalunaarutigaa.
Israelip sakkutuuisa Unifilip sakkutuuisa tungaannut piaaralutik eqqaassisimanngitsut, Netanyahup erseqqissaatigaa.
