FN: Unifilip sakkutuuinut saassussineq sorsunnermi pinerluuteqarnertut nalilerneqarsinnaavoq

Naalagaaffiit Peqatigiit (FN) Libanonip kujasissuani sakkutuui Unifilimik taaguutillit saassunneqarnerat, Naalagaaffiit Peqatigiit qullersaata Antonio Guterresip assuaraa.

Saassussinerit sorsunnermi pinerluuteqarnertut nalilerneqarsinnaasut Guterres oqartoq oqaaseqartitaata oqaatigaa.

- Unifilip sakkutuui sakkutooqarfiilu saassunneqaqqusaanngitsut FN-ip qullersaata oqaatigeqqippaa. Sakkutuunik eqqissisimatitsiniartunik saassussineq nunat tamalaat inatsisaannik unioqqutitsineruvoq, nunat tamalaat ikiorsiisarnermut inatsisaat taakkununnga ilaalluni. Sorsunnermi pinerluttuliornerusinnaavoq, FN-ip qullersaata oqaaseqartitaa ippassaq unnukkut oqarpoq.

Unifilip sakkutuui tallimat Libanonip kujasissuani ulluni kingullerni ikilerneqarput.

Libanonimi piffissami kingullermi najummassimanartorsiortoqarnerulernikuuvoq, Israelimiummi Libanonip kujasissuani sakkutuulersorput, silaannakkullu aamma saassussisarlutik.

Islamisiortut Hizbollah taassuma saniatigut raketinik Israelip tungaanut igeriussisarput. Israelip Hizbollah Libanonimi sorsuppaat.