Rusland Korea Avannarlermi qaammataasialiornermut ikiuunnissamik piareersimasoq
Korea Avannarlermi qaammataasianik sanaartornissamut Rusland ikiuunnisssaminik piareersimasoq, Ruslandip præsidentita Vladimir Putin oqarpoq.
Kim Jong-un kingullermik Ruslandimiippoq ukiut sisamat matuma siorna. Kim Jong-un nunarsuarmi coronamik tuniluunnerup kingorna aatsaat nunanut allanut tikeraarpoq.
Korea Avannarliup sakkutuuisa qaammataasiaq alapernaarsuut aggustimi igeriukkaluarpaat iluatsinngitsumik, tamannalu aappaassaa iluatsinngilaq.
Qanorpiaq pisoqarsimanersoq ilisimaneqanngilaq, Korea Avannarliullu avataarsualiartitsisarfia naapertorlugu annertuumik ajornartorsiutaasimangilaq.
Qaammataasiamik avataarsuanut igeriussineq maajimi pisoq iluatsinngilaq. Igeriunneqartoq imartamut sungaartumik taasagaannut, Det Gule Havimut, nakkarpoq.
Taamani igeriussisoqarmat, qaartartunik igeriussisoqarsorineqarpoq.
Korea Avannarleq qaartartuusinnaasumik igeriussisimagunartoq, Japanimit taamani oqaatigineqarpoq.
