Israelip Libanonimi sorsukkunnaarnissamut piumasaqaatini saqqummiukkai

Amerikamiut naalagaaffiata isertortumik paasiniaasartuisa Israelimiut piumasaqaataat pillugit nutaarsiassaqartitsivik Axiosimit avammut saqqummiunneqartut, Reuters allappoq.

Siorna oktoberip arfernatata-aappaanili Hizbollah-kkut Israelimiunut - upperisarsioqatigigiit ingerlaaqatigiillu Hamas pilermatali - saassussinerit pisalerput.

Israelimiut septembarimi annertuumik Hizbollah-kkunnut saassussipput, taakkunani aqutsisut arlallit toqutaapput.

Axios allaatigisaat naapertorlugu Israelimiut USA-mi oqartussat piumasaqarfigaat, sorsuunneq maannakkorpiaq soraassappat Libanonimi oqartussat piumasaqaatinik isumaqataaqqaartariaqartut.

Hizbollah-kkut saassusseqqinnginnissaanik upalungaarummik ilaatigut Israelimiut piumasaqarput.