Misissueqqissaartartoq: Hamasip siuttuata toqutaanera akersuunnerup univinneranik kinguneqarsinnaavoq
Hamasip siuttuata Yahya Sinwarip toqutaanera akimmisaarutaasunik annikilliiliivoq, akersuunnerup univinneranik kinguneqarsinnaalluni.
Isummersuisini Tænketanken Europami misissueqqissaartartuuneq Jacob Kaarsbo taama naliliivoq.
Hamasip siuttuata Yahya Sinwarip inuit 1200-t toqutaanerannik kinguneqartumik israelimiut saassunneqarnerminni akisussaaneragaat sisamanngornermi unnukkut toqutaavoq.
Sinwarip toqutaanera ingasaassiniartut ikilinissaannik malitseqarsinnaasoq, Jacob Kaarsbo isumaqarpoq.
Siuttup toqutaanera sorsunnerup univissinnaaneranik malitseqarumaartoq, ilisimatusartoq Sverigimi Växjömi Linné-universitetimeersoq Anders Persson aamma isumaqarpoq.
- Israelimiut sorsunnermi ajugaasutut nalunaarsinnaalerput, taamalu oqartoqarpat sorsunnerup univinneranik nalunaartoqarsinnaalissaaq, taanna oqarpoq.
Israelimut akersuunnermi Hamasikkut siuttuini toqutaasut arlaqassangatinneqartut Hamasimeersullu 80 procentinik ikilisimassangtinneqartut, Kaarsbo oqarpoq.