Hamasip qullersaa Teheranimi toqutaasoq
![](/sites/default/files/styles/image_934x467/public/2024-07/20240731-052536-5-1920x1179we.jpg?itok=-3N-QomS)
Israelimiut sakkutuui Libanonimi illoqarfiit pingaarnersaata Beirutip kujasissuanut saassussipput.
Tamanna israelimiut sakkutuuinit uppernarsarneqarpoq.
Hizbollahmi qullersat ilaat Fuad Shukr israelimiut sakkutuuisa oqarnerat naapertorlugu saassussinermi toqutaavoq.
Saassussinerup kingunerisaanik toqutaasimanersoq suli tusarlerneqarnissartik utaqqigitsik, Hizbollahp nalunaarutigaa.
Pingasunngornermilu ullaakkut nalunaarut alla takkuppoq, tassami nalunaarutigineqarpoq Hamasip qullersaa Ismail Haniyeh Iranimi illoqarfiit pingaarnersaanni Teheranimi saassussinikkut toqutaasimasoq.
Palæstinamiut pikitsitsiniaqatigiit nutaarsiassaqartitsivimmut Reutersimut pingasunngornermi ullaakkut taama nalunaaruteqarput.
Teheranimi angerlarsimaffiani zionistit killuussillutik saassussineranni toqutaasoq, palæstiniamiut pikitsitsisiniaqatigiit oqaatigaat.
Toqutsinermut akisussaasuunermik suli sassartoqanngilaq.
Haniyemik toqutsinermut paasissutissat ersarinnerusut suli pigineqanngillat.