Paul Watsonip tunniunneqarnissaa Japanip piumasarigaa

Japanimi oqartussat avatangiisinut illersuisup Paul Watsonip Kalaallit Nunaanni tigusarineqartup tunniunneqarnissaanik Danmarkimi inatsisinik atortitsinermut ministereqarfimmut pingasunngormat tunniuppaat.

Danmarkimi ministereqarfik taama ilisimatitsivoq.

- Danmarkimi inatsisinik atortitsinermut ministereqarfiup uppernarsaaserneqartumik tunniussinissamik allagaatinik tigusaqarnissi utaqqivaa.

- Danmarkimi inatsisinik atortitsinermut ministereqarfiup malitsigisaanik suliaq Kalaallit Nunaannut politiinut nassiutissavaa, paasissutissat pigineqareersut tunngavigalugit siumoortumik itigartitsinissamik tunngavissiisoqanngippat, ministereqarfik Ritzauimut mailikkut allappoq.

- Suliaq Kalaallit Nunaanut nassiunneqassappat, tunniussinissamut piumasaqaatinik naammassinnittoqarsimanersoq politiit misissuissapput, ministereqarfik ilisimatitsivoq.

- Malitsigisaanik tunniussinissamut apeqqutaasoq Danmarkimi inatsisinik atortitsinermut ministereqarfimmut aalajangiiffiusussanngortillugu saqqummiunneqassasoq, ministereqarfik ilisimatitsivoq.