Perup Venezuelami aallartitani angerlartikkaa

Venezuelami præsidentimut qinersisoqareersorlu Perup nunami tassani aallartitani angerlartippaa, Perumi oqartussat oqarnerat naapertorlugu aallartitap oqaloqatigineqarnissaa pillugu angerlartinneqartoq.

Perup nunanut allanut tunngasunut ministeria Javier Gonzalez-Olaechea, inoqatinut attaveqaqatigiittarfikkut X-ikkut taama oqarpoq.

Perup nammineq oqarnera naapertorlugu Venezuelami qinersinermut ataatsimiititaliap nalunaarutai ilungersunartut pissutaallutik Perup Venezuelamut aallartitaa angerlartinneqarpoq, ministeri allappoq.

Venezuelami innuttaasut piumasarisaasa innarlerneqarnerat Perumit akuersaarneqarsinnaanngitsut Perup nunanut allanut tunngasunut ministerianit siusinnerusukkut oqaatigineqarpoq.

Venezuelami maanna præsidenti Nicolas Maduro 51 procentinit taaguunneqarluni præsidentitut qinigaaqqittoq, Venezuelami qinersinermut ataatsimiititaliap kisitsisaataasa pisortatigoortut takutippaat.

Illuatungiliuttulli oqaatigaat qinigaassanngortitartik Edmundo Gonzalez Urrutia 70 procentinit taaguunneqarluni ajugaasoq.

Latinamerikami nunat arlallit Venezuelami qinersinermi inernerit apeqquserpaat.

EU-p nunanut allanut tunngasuni qullersaata Josep Borrrellip Venezuelami qinersinermi inernerit aamma apeqquserpai.