One Directionimi peqataasarnikoq Liam Payne toqungasoq Argentinami siumorneqartoq
Tuluk erinarsortartoq 31-nik ukiulik erinarsoqatigiinni One Directionikkunni peqataasarnikoq Liam Payne Argentinami illoqarfiit pingaarnersaani Buenos Airesimi akunnittarfiup silataani toqungasoq siumorneqarpoq.
Argentinami nutaarsiassaqartitsiviit ilaat La Nacion taama allattoq, Reutersip issuarpaa.
Liam Payne akunnittarfimmi quleriit pingajuanniit nakkarnermi kingorna toqungasoq siumorneqarsimasoq, La Nacion aamma allappoq.
Angut ikiaroornartutorsimagunarluni imigassartorsimagunarlunilu kamaqqasoq akunnittarfimmi sulisunit politiinut siarnutigineqartoq, Argentinami nutaarsiassaqartitsiviit arlallit allapput.
Liam Payne 14-inik ukioqarluni erinarsornermik Tuluit Nunaanni X Factorimi unammisitsinermi peqataagami ingerlaqqinngitsoorpoq, ukiulli marluk qaangiuttut misileeqqikkami nukappiaqqallu allat sisamat One Directionimik taaneqarlutik erinarsoqatigiittut pilersinneqarput.
One Direntionikkut erinaataat erinnat nunnarineqarnerpaat qulit Billboardip 2010-p 2015-illu akornanni allattorsimaffianni ilaasarput.