Ritzau

Trumpip New Yorkimi illorsui quleriippassuallit arsaarinnissutaariaannaasut

Trumpip akiligassani milliardilikkuutaat akilinngippagit pigisaata arsaarinnissutaanissaat, New Yorkip inatsiseqarnermut ministeriata sioorasaarutigaa.

Allattoq Ritzau

februaarip 21-at 2024 08:43

Nutserisoq Mads Lynge

USA-p præsidenterisimasaata Donald Trumpip 355 millionit dollarinik, imaluunniit 2,5 milliardit koruunit missaannik, akliisussanngortinneqarnini eqquutsinnianngikkuniuk

New Yorkimi illorsui quleriippassuallit arsaarinnissutaariaannaapput. Trump peqquserluttuliorsimasutut eqqartuunneqarnermini taama akiliisussanngortinneqarnikuuvoq.

Nutaarsiassaqartitsivik Reuters taama allaaserisaqarpoq.

Aamma atuarukUSA-mi naalagaaffiup unnerluussisuata Trump pinerluuteqarsimanersoq misissoraa

Trumpip 2,5 milliardit koruunit missaanni akiligassani akilinngippagu USA-mi naalagaaffiup New Yorkip eqqartuussissuserisua Letitia James arsaarinnissuteqarnissamut piareersimavoq.

Trumpip ilaquttani peqatigalugit suliffeqarfimmi nalinga ukiut qulit piaaraluni annertunaarsisimaneranik unnerluutigineqarluni peqquserluttuliorsimasutut eqqartuunneqarpoq akiliisussanngortinneqarlunilu.