Trumpip naalagaaffinnit 15-init ataaseq minillugu Super Tuesdayimi ajugaaffigigai
USA-p præsidenterisimasaa Donald Trump, republikanerit præsidentimut qinersinissamut sassartitassaminnik "Super Tuesday"-imik taallugu qinersineranni naalagaaffimmi Utahmi ajugaavoq.
Suliffeqarfik nalilersuisartoq Edison Research taama ilisimatitsisoq nutaarsiassaqartitsiviup Reutersip allaaseraa.
Nutaarsiassaqartitsiviit NBC Newsip CNN-illu Trumpip tassani ajugaanissaa aamma siulittoreerpaat.
Trump naalagaaffiit 15-it akornanni 14-ini taamaasilluni ajugaavoq.
Trumpip unammillertutuaa Nikki Haley naalagaaffimmi Vermontimi Republikanerit præsidentinngorniunnissamut sassartitassaannik novembarimi qinersisoqarmat ajugaavoq.
Kisiannili tassa tamanna naammanngilaq, Trumpimullu naleqqiullugu præsidentimut ukioq manna novembarimi qinersinissamut kinguaqqangaatsiarpoq.
Præsidentinngorniunnissamut sassartitassanik qinersineq
Præsidentinngorniunnissamut sassartitassanik qinersisoqaraangat qineqqusaartut partiip ataatsimeersuarnissaanut aallartitassanik sapinngisamik amerlanerpaanik pissarsiniartarput.
Kina præsidentimut qinersinissami sassartitassatut piukkunneraat aallartitat naggataatigut aalajangertarpaat.