Trumpip Kina niueqatigiinnermik ajornerujussuarmik isumaqatigiissusiornissamik sioorasaaraa

Kina USA-mik niueqatigiinnissamik isumaqatigiinniarnerni sivitsorsaanermik periaaseqarpat, USA-p præsedentiata Donald Trumpip allamik periaaseqartinniarsarai.

Kina maannakkut isumaqatigiissuteqartariaqartoq Trump Twitterikkut arfininngornermi allappoq.

Kinamiut maanna isumaqatigiissuteqanngippata Trumpilu qinigaaqqissappat 2020-p kingorna isumaqatigiissutissaq Kinamut ajornerujussuusinnaasoq Trump allappoq.

Nutaarsiassaqarfik Reuters naapertorlugu USA-p Kinallu sisamanngormat tallimanngormallu isumaqatigiinniarneri naammassisaqarfiunngillat.

AAMMA ATUARUK USA-p niuernikkut amigartoorutai Kinap amigartoorutaanit amerlanerusut

Trumpip oqaloqatigiinnerit pissarsilluarfiusutut taavai, USA-lli kinamiut nioqqutissaannut akitsuutit 200 milliardit nalinginut tallimanngormat qaffappai.

Tamatuma saniatigut USA-p nioqqutissat allat Kinamit eqqussai tamangajammik akitsuuserneqassasut Trumpip tallimanngormat naalakkiutigaa.

Illuatungeriit Beijingimi naapeqatigeeqqinnissartik isumaqatigiissutigisimagaat Kinap isumaqatigiinniartuunerata ministeriunerup tulliata Liu Hep Washington D.C.-mit angerlamut angalannginnermini tallimanngormat paasissutissiissutigaa.

Qaqugu naapeqatigeeqqissanersut suli naluneqarpoq.

                             /ritzau/