Assi: Finnegan/Flickr Creative Commons

USA-p niuernikkut amigartoorutai Kinap amigartoorutaanit amerlanerusut

USA-p niuernikkut amigartooruteqarnera ukiuni qulini 2018-imi aatsaat taama qaffasitsigaaq.

Amerikamiut niuermut ministereqarfiannit nalunaarusiaq taama takussutissiivoq.

Niuernikkut 2018-imi amigartooruteqarneq 621 milliardit dollariusut nalunaarusiami allassimavoq, tamanna danskit koruuninngorlugu 4000 milliardit koruuninit amerlaneruvoq.

USA-p præsidentiata, Donald Trumpip niuernikkut amigartooruteqarneq aaqqiiviginiarlugu neriorsuutigisimagaluarpaa.

Nalunaarusiamittaaq Kinamut niuernikkut amigartooruteqarneq 2018-imi aatsaat taava qaffasitsigisoq allassimavoq.

Tamanna siorna 419 milliardit dollariuvoq tassa 2750 milliardit koruunit.

Kisitsisit USA-p Kinamut niuernikkut aaqqiagiinngissuteqarnerani saqqummerput.

Niuernermi pisiat tunisallu oqimaaqatigiinnerat nioqqutissanik eqqussuinermi avammullu nioqquteqarnermi isertitat aningaasartuutillu takutinneqartarput. Nioqqutissanik eqqussuinerup avammut nioqquteqarneq qaangeraangagu niuernikkut amigartooruteqarnermik tamanna taaneqartarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat