Trumpip allagaatinik isertuussassanik annissisimanera eqqartuussivimmi maajimi 2024 suliarineqalissaaq
USA-p præsidenterisimasaa Donald Trump allagaatinik tamanut saqqummiussassaanngitsunik inatsisinut naapertuutinngitsumik inissiisinanini pillugu eqqartuussivimmi appagu maajimi unnerluutigineqassaaq.
Suliaq eqqartuussivimmi maajip 20-ani 2024 suliarineqalisssaq.
Suliami eqartuussisuusussaq Aileen Cannon, taama ilisimatitsisoq, nutaarsisassaqartitsiviit AFP aamma Reuters aallapput.
Cannon eqqartuussisorpassuit, Trumpip ukiuni sisamani præsidentiunermini, toqqagaasa ilagaat.
Taanna præsidentiusimasumut iluaqutaasussanik eqqartuussinermi aalajangiisarsimasutut isornartorsiorneqarnikuuvoq.
Trump 77-inik maanna ukioqartoq partiip talerperliup Republikanerit præsidentinngornissamut qinigassanngortitassaatut piukkussaannut ilaavoq. Eqqartuussivimmi suliaq partiip præsindetinngorniuunnissamut sassartitassaatut piukkuttut qineqqusaalerutorneranni suliarineqalissaasoq, AFP allappoq.
Atomimik qaartartuutinut tunngasut allagaatit akornanniittut
Suliaq allagaatinut isertugassatut nalunaarsukkanut 100-it missanniittunut tunngavoq. Taakkua Trumpip præsidentinngorniunnermi 2021-mi ajornasarnermi præsidentitullu tuniuarnermi kingorna inatsisinik naapertuinngitsumik nasssarsimagai unnerneqarpoq.
Unnerluussut 50-inik quppernilik 37-nik immikkoortoqarpoq.
Allagaatit ilaat atomimik qartartuutinut tunngasut unnerluussummi ilaatigut allassimavoq. Aamma USA-p sakkutuuisa nukittuffiinut sanngiiffiinullu tunngasunik allassimasoqarneragaavoq.
Aamma FBI oqartusallu allat misissuinissaannik akornusersuisimasutut pisunillu ilisimannittunik sunniiniarsimasutut unnerluutigineqarpoq.
Trump pisuunnginnerarpoq.
/ritzau/