Trump USA-mi Mainemi qinerneqarsinnaassanngitsoq naalagaaffimmi oqartussat aalajangeraat

USA-mi naalagaaffiit ilaanni Mainemi republikanerit qinersisartuisa partiip præsidentinngorniunnermut sassartussaanut marsimi qinersilerunik Donald Trump qinersinnaassanngikkaat aalajangerneqarpoq.

Nutaarsiassaqartitsivik Reuters taama allappoq.

Mainemi qinersinermut tunngasunik suliaqartuni atorfilittat qullersaat Donald Trumpip USA-mi inatsisartunut saassussinissamut præsidentiunermi 2021-mi naalernerani qiimmassaasimanissaanik inerniliisoq aalajangiisuuvoq.

Saassussinermi inuit arlallit toqupput.

Taamaammaat Mainemi oqartussat Donald Trump præsidentinngorniunnissamut sassartussatut naleqqutinngitsoq nalilerpaat.

Donald Trumpip qineqqusaarnermut atatillugu allattoqarfianeersut aalajangernerup atunnginnissaa anguniarlugu eqqartuussivitsikkut suliassanngortitsiniarlutik paasissutissiissutigaat. Taamaalilluni Mainep eqqartuussiviisa Donald Trump Mainemi qinerneqarsinnaassanersoq aalajangissavaat.