Trump republikanerit præsidentinngorniunnissamut qinersisitsisuusaarneranni ajugaasoq

USA-mi præsidentimut qinersinissaq sioqqullugu naalagaaffimmi Iowami qinersisoqarmat, USA-mi præsidentiusimasoq Donald Trump ajugaavoq. Qinersinermi tassani republikanerit kina præsidentimut qinigassanngortissanersoq aalajangertussaavaat.

Qinersisut taasinerannit 95 procentit kisinneqarmata, qinersisut 50 procentiinit Donald Trump taaneqarpoq, qinersisut 21 procentiisa DeSantis taagaat, aamma Haley 19 procentinit taaneqarluni.

Republikanerit præsidentimut qinigassanngortitassartik ukiormanna kingusinnerusukkut toqqartussaavaat, præsidentimut qinersineq sioqqullugu Amerikami naalagaaffinni assigiinngitsuni qinersisisoqareerpat.

Trump unammillertiminit siuaqqanerujussuuvoq, tamannalu qulakkeerneqassaq, naalagaaffimmi Iowami kingornalu sapaatit akunnerani tulliuttuni New Hampshiremi ajugaaguni.

Naalagaaffimmi Iowami issikkaluartoq, qinersisartut qinersivinnut 1600-nik amerlanerusunut qinersiartorput.

Qinersisartut amerlanerpaartaasa Trumpimut tapersersuinertik ersisikkaat, qinersisartut isumasiorneqarneranni Edison Researchimi suliarineqartumi takuneqarsinnaasimavoq.