Ron DeSantis republikanerit uteqqinniarneranni siuttuuniartoq
Amerikami præsidentimut qineqqusaartoqarnissaanut republikanerit tunuliaqutaralugit qineqqusaarniarluni, Amerikap ilaani Floridameersoq guvernøri Ron DeSantis uppernarsaavoq .
Taassuma sassarnialersaarnini Twitteri aqqutigalugu videokkut ullumi sisamanngornermi uppernarsarpaa.
Amerikap uterteqqinniarnerani siuttuuniarluni, 44-nik ukiulik Ron DeSantis videokkut immiussami oqarpoq.
- Killiffipput ajunaarnersuartut ippoq, pinerluttuliornerpassuit illoqarfippassuatsinni inituallaalerput, siuttugut ilaqutariinnik ataqatigiissitsisinnaanngillat præsidenterpullu nalornivallaarpoq, taanna videokkut qineqqusaarummini oqarpoq.
Angutip taassuma nuannarineqaleraluttuinnarnera aningaasaliisussarsiupallassinnaassusaalu amerikamiorpassuarnit maluginiarneqarpoq nuannarineqaleraluttuinnarlunilu, alaatsinaattullu naapertorlugit qineqqusaarnermi Donald Trumpip unammillertaasa annersariumaaraat oqaatigineqarpoq.
