Trump New Hampshiremi ajugaasoq - Haley-p sukataaginnarnissi neriorsuutigigaa
USA-mi republikanerit præsidentinngorniunnissamut sassartitassaminnik naalagaaffimmi New Hampshiremi marlunngornermi qinersimmata USA-p præsidenterisimasaa Donald Trump ajugaavoq. USA-mi tusagassiorfiit naliliisartullu taama oqarput.
Siornatigut præsidentiusimasup republikanerit sinnerlugit præsidentinngorniunnissamut siuttuunini taamaasilluni naqissusepaa, USA-milu præsidentimut ukioq manna novembarimi qinersinissami maanna præsidentimut Joe Bidenimut unammilertaasussatut isikkoqarluni.
Naak New Hampshiremi qinersinermi Trumpimut ajorsaraluarluni, republikanerit sinnerlugit Trumpimut unammillerluarsinnaasutuatut nalilerneqartup Nikki Haleyp, USA-p Naalagaaffiit Peqatigiinni aallartitarisimasaa, sukataaginnarnissi neriorsuutigaa.
Qinersinermi taasinerit 90 procentii pingasunngornermi nunatta nalunaaqutaa naapertorlugu arfineq-marlunut qiteqquttoq kisinneqarsimasut, nutaarsiassaqartitsivik Reuters allappoq.
Trump 54,6 procentinit taaguunneqarsimasoq Nikki Haleylu 43,2 procentinit taaguunneqarsimasoq, naliliisartut Edison Researchikkut kisitsisaataanni erserpoq.
