Ikerasaarsummiut Tipermiuukatappugut

Ikerasaarsummi eqqaavissuup nunaqarfimmi qiterpasissumiinnera ukiut qulit sinnerlugit ajornartorsiutaavoq, innuttaasullu naammagittakatapput. Nuunneqarnissaanulli pilersaarusiortussat piffissami qaninnermi Ikerasaarsummukassasut, Kommuni Qeqertalimmiit oqaatigaat.

Eqqagassarpassuit ikuallatassat ikuallatassaanngitsullu. Niviukkat. Minnerunngitsumik annat. Tamakkuupput Ikerasaarsummiut ulluinnarni isikkivik, soorlu pisiniarfimmukartillutik, sanioqquttuagaat.

- Tipiluttorujuuvoq. Sualuppoq ataasinngorneq, pingasunngorneq tallimanngornerlu anartarfilerisut kueraagaangamik qaneq asserlugu nunaqarfitta iluani pisuttarpugut, Ikerasaarsummiu Nielsine Inusugtoq taama oqarpoq.

Ikerasaarsummi eqqaavissuaq nunaqarfiup qeqqaniittoq nunaqarfimmi aqutsisut ukiut marluk matuma siornatigut ikioqqunerisigut imaarneqarpoq.

AAMMA ATUARUK Nunaqarfinni arlalinni ikuallaaveqanngilaq

Taamaattorli nunaqarfiup qeqqaniit nuunneqarnani, nuunneqarnissaali suli noqqaassutigineqartuarsinnarpoq:

- Kommunemut noqqaasutigisarparput eqqaavitta illunut qanippallaarnera pillugu nooqullugu. Nuunneqarnissaa taamanikkut anguneqarsinnaasimagaluarpoq eqqaaviup imaarneqarnera ilutigalugu, nunaqarfimmi aqutsisunut ilaasortaq, Ikerasaarsummioq Anthon Petersen, taama oqarpoq.

Kommune Qeqertalik Ikerasaarsummi eqqaaviup nuuneqarnissaanut en million koruuninik siorna 2018-mi immikkoorsitsivoq, kommunimilu atorfilittat pilersaarusioriartorlutik piffissami qanittumi Ikerasaarsummukassapput.

- Eqqaavik nunaqarfiup qeqqaniittoq nuussooq. Nuunneqarnissaannut taava pilersaarusiortoqarnissaanik massakkut suliaqartussamik Kangaatiaminngaanniit allartoqangajalerpoq, taannalu ulluni qaninnerni suliassamik tassunga suliarinnikkiartorluni aallassooq, Kommune Qeqertalimmi Inoqarfimmut ataatsimiititaliamut siulittaasoq Hans Aronsen (IA) taama oqarpoq.

AAMMA ATUARUK Utaqqiinnarsinnaajunnaartut: Eqqagassat piiarneqarlik

Kisianni Ikerasaarsummi eqqaavik nuunniarlugu sulineq qaqugu aallartissanersoq erseqqissumik suli akisoqanngilaq.

Maannamulli pilersaarutit malillugit eqqaavik aapaagu piariissangatinneqrtoq, Inoqarfimmut ataatsimiititaliamut siulittaasup Hans Aronsenip (IA) oqaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat