Tiniteqilaami angut 33-nik ukiulik aallaasersorfigitinnikkut inuunini annaagaa

Eqqartuussiveqarfik Sermersuumi angut 18-nik ukiulik inatsit tunngaviusoq naapertorlugu ullaaq killisiuineqarpoq. Aallaaneqartup ikiligaasullu aappaa maanna toqukkut qimaguppoq.

Allattoq Brian Jensen

decembarip 01-at 2024 15:10

Nutserisoq Brian Jensen

Tiniteqilaami nalunaaqutaq 06:42 aallaasersortoqartoq politiit arfininngornermi kalerrinneqarput.

Arnaq 36-nik ukiulik aamma angut 33-nik ukiulik aallaasersortoqarnerani eqqortipput.

Angut ikilersinnermi kingorna inuunera navianartorsiortoq nalunaarutigineqareersorlu, maanna politiit angut pineqartoq toqukkut qimaguttoq nalunaarutigaat, ilaqutaasullu ilisimatinneqarput. Taama Kalaallit Nunaanni Politiit tusagassiuutinut nalunaarput. Arnaq inuunerminik ernumanartorsiorfimmiinngitsoq ilanngullugu nalunaarput.

Aamma atuaruk Tiniteqilaami aallaasersortoq 18-inik ukiulik tigusarineqarpoq, ikiligaasullu Nuummut aallarunneqartut

Aallaasersortoq nalunaaqutaq qulinut killisiorneqarpoq. Eqqartuussiveqarfimmiillu sapaatit akunneri pingasuni, tassa decemberip 19.-ata tungaanut tigummigallarneqarnissaa aalajangiunneqarpoq.

Angut 18-nik ukiulik aneqquneqareernermi kingorna aallaammik nassarluni utersimasoq, politiit lanngullugu nalunaarput.

Eqqartuussineq matoqqasumik ingerlanneqarpoq, Kalaallit Nunaanni politiit suliaq pillugu annerusumik oqaaseqarsinnaanngikkallarput.

Nutaarsiassami kukkunermik nassaarsimaguit uunga allaffigineqarsinnaavugut.