Islandimi qinersisoqarmat socialdemokratit amerlanerussuteqartut

Islandimi qinersisoqarmat socialdemokratit Kristrun Frostadottir siuttoralugu Altinget -mi, tassa inatsisartuni amerlanerussuteqarput.

Socialdemokratit 20,8%-inik qinerneqarput, taamasillutik Altingetimi issiaviit 63-init 15-it inuttalersinnaalerpaat.

Nunami nutaarsiassaqartitsivimmit RUV-mit taama nalunaaruteqarput.

Tulliullutik inissisimalerput Selvstændighedspartiet, taakku siuttoraat Bjarni Benediktsson. Taakku partiiat 19,4%-nik qinerneqarput, taamaasillutik inatsisartuni 14-nik issiatitaqalerput.

Det Liberale Reformparti qinersisoqarnermi partiiat pingajuattut inissisimalerpoq. Arfininngornermi qinersisoqarmat 15,8%-iisa qinerpaat.

Venstrepartiet iterluarsimanavianngillat

Venstrepartiet ullaaq iterluarsimanavianngillat, taakku 2,3%-iinnarnit qinerneqarsimapput.

RUV-mit kisitsisit naatsorsorneqartut maannamut taama inissisimapput.

Islandimiut qinersisinnaatitaasut katillugit 268.422-iupput.

Reformpartiet aamma Socialdemokratiet siuaallannissaat inuit isumaannik paasiniaanermit aallaaveqartumik ilimagineqaraluarpoq.

/ritzau/