Nutarterneqarpoq: Tiniteqilaami aallaasersortoq tigusarineqarpoq
Tiniteqilaami angut arlaleriarluni seqqorpoq. Angut maanna tigusarineqarpoq.
Tiniteqilaaq nunaqarfiup 93-inik innuttaasoqarpoq. Taanna Tunup avannaani 40 kilometerinik ungasissuteqartumiippoq.
Allattoq Hanna Vestergaard Hviid
novembarip 30-at 2024 10:01
Nutserisoq Connie Fontain
Nutarterneqarpoq nal. 10.57.
Tunumi Tiniteqilaami aallaasersortoqartoq politiit nalunaaqutaq 06.42 nalunaarfigineqarput.
Kalaallit Nunaanni Politiit tusagassiuutinut nalunaarummi allapput.
Angut aallaasersortuuvoq.
Angut nalunaaqutaq aqqanermut tigusarineqarpoq. Taannalu politiinit maanna paarineqarluni.
Sumiiffik isumannaarneqarpoq, politiillu suliaqarnissartik pissutigalugu innuttaasut qanillattunnginnissaat kaammattuutigaat.
Inuit marluk ikilerneqarput. Ikilerneqartut nunaqarfimmit qimagutitinneqarput.
Aappaa annertuumik ikilerneqarsimavoq.
Kalaallit Nunaanni Poliitit peqqinnissaqarfimmilu sulisut nunaqarfimmiipput. Taakkulu piffissami matumani allamik paasissutissiisinnaanngillat. Pisoq pillugu ingerlaavartumik paasissutissiisoqassaaq.
