Qulaarpaa Tine Pars: Ilinniartut piginnaasallit isiginiarneqartariaqarput
Ilinniarfissuup nalilersorneqarneratigut paasinarsivoq Ilisimatusarfimmi ilinniarfiit ilaat ingerlalluanngitsut.
Karakterit qaffasissut pigeqqaarlugit Ilisimatusarfimmi ilinnialerniaraanni pigineqartariaqarput, taannali pinnagu kikkut tamarmik periarfissaqartuarnissaat Inatsisartuni ilinniartitaanermut ataatsimiititaliap kissaatigaa.
Aamma atuaruk Ilinniarfissuaq EVA-p naliliinerani angusinngitsoortoq
Ilisimatusarfilli ilisimatusarfiuvoq nunallu assigiinngitsit qaffasissusaat assigisariaqarmagit sukaterinissaq pisariaqartoq, rektorip oqaatigaa.
- Ilisimatusarfik aallartimmalli pingaartinneqarnikuuvoq qaffasissusissaa nunanut allanut sanilliunneqarsinnaanissaa. Taamaattumik ilisimatusarfittut immitsinnut isigissagutta qaffasissusissaa pingaaruteqartorujussuuvoq, aamma ilisimatusarfiit nunani allaninngaanneersut suleqatiginissaat.
- Suleqatigiumassagunitigut pingaarutilerujussuuvoq uagut inissisimanitta pitsaasuunissaat, taamaattumik qaffasissutsit sumiikkaluaraanniluunniit pingaaruteqartorujussuupput, Ilisimatusarfimmi rektori Tine Pars oqarpoq.
Aamma atuaruk Pars: Ilisimatusarfimmi ilinniartut oqaatsitsigut ajornartorsiortut amerliartortut
Ilinnialersussat piginnaasaqareertariaqarput
Ilisimatusarfimmi ilinniartut arlallit ilinnialeraangamik artorsartartut oqaatigaa.
- Ilinniartut piginnaasamikkut piareersimanissaat, atuarnissaminnut piareersimanissaat, malinnaasinnaanissaat, ilisimatusarfimmi ilinniartitsissutaasartut ilisimatusartuniit allaaserineqareertarput ilimatusarneq aallaavigalugu ilinniartitsineq ilisimatusarnerup qanoq ingerlanneqarsinnaanissaanik periutsinik ilisimasaqarneq assigiinngitsorpassuupput taakkua piginnaasariallit ilisimatusarfimmi.
Ilinniartut ikiorluarneqartareerput
Ilinnialernissamut piumasaqaatinik sukaterinissamik aalajangerneq Inatsisartut ilinniartitaanermut ataatsimiititaliaanit isumaqatigineqanngilaq.
Taamaammat ataatsimiititaliap siulittaasua Vivian Motzfeldt aperivoq taamaaliorneq naapertuutuunersoq.
Aamma atuaruk Pitsaassutsimik qaffassaaniarneq inissaqartitsilluarnermut ajoqutaassaaq
Ilinniartitaanerit pitsaassusiannik qaffassaaniarnermi qaffasissutsinik aalajangersimasunik angusaqarniareersut mattunneqaannarnerat ataatsimiititaliamit ernumanartoqartinneqarpoq. Inissaqarluartitsinissaq sumiippa? Aammalu inuit ilinniarnissamut mattunnissaat akissaqartipparput? Inuusuttuaqqat qaffasinnerusumik angusaqanngitsut qanoq iliussappat?, Ataatsimiitsitaliaq aperivoq.
Tamannalu Ilisimatusarfimmi rektorip akerlilerpaa.
- Isumaqarpunga ilungersornerusut imaareerpoq ikiorluarneqartartut tapersersorneqartut taavalu aamma siunnersorneqartartut, isumaqarpunga annertuumik iliuuseqartoqareertoq.
Ilinniartut amerliartorput
