Timmisartunik inuttaqanngitsunik qaammataasanillu nakkutilliisoqalissaaq

DTU'p nunatsinni sakkutooqarfik Issittup nakkutigineqarnerata pilersaarusiornerani ikiussavaa. Decemberimi illersornissaq pillugu isumaqatigiissummi taama aalajangertoqarpoq. Ingeniøren nittartakkamini ullumi taama allaaserisaqarpoq.

- Kalaallit Nunaanni sakkutooqarfimmut suliakkiissutaasimavoq, issittup illersornissaanut silaannarmiit nakkutilliinermut suut pisariaqartinneqarnersut, DTU Space-mi pisortaq Niels Andersen Ingenøren-imut oqarpoq.

Silaannarmiit nakkutilliineq eqqaangamiuk atortut suliniutillu tamaasa pivai, qaammataasat nakkutilliinermut annertuumik isumalluutigigaanni. 

Qaammataasalli kisimik isumalluutaasinnaanngillat. Niels Andersen-ip ilanngullugit tikkuarpai timmisartut nakkutilliissutit inuttaqanngitsut, drone-nik taaneqartartut DTU'p eqqarsaataanut aamma ilaasut.

Niels Andersen-ip nassuiaatigaa issitumi silap sakkortusinnaasarnerata naatsorsoruminaassinnaasarneratalu qulimiguullit atorlugit nakkutilliiuminaattarnera.

- Timmisartup nakkutilliissutip inuttaqanngitsup Issittumi nakkutilliinissamut periarfissat annertusisinnaagai, Niels Andersen oqarpoq.

Qaammataasanik Issittumi nakkutilliineq maannakkorpiaq atorneqanngilaq, Niels Andersen-illu periarfissaqarsorivaa qallunaat namminneq qaammataasanik qullartitsisinnaanerat.

DTU Space aallarniutissaminik otte millioner koruuninik ukiut pingasut ingerlaneranni atugassaminik tunineqarallarsimasoq, Ingeniøren allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat