Timmisartoq mittarfiup sinaanut ingerlaannartoortoq
Timmisartuaraq Cirrus Nuummut orseriartuinnartussaagaluartoq pineqarpoq. Taanna Canadamit Islandimut ingerlaaraluarpoq, aallaqqinnissanilu kinguartittariaqalissallugu.
Ataasinngornermi nalunaaqutaq sisamanngortoq Mittarfeqarfiit nalunaarutigaat ajutoortoqarnerani paasiniaasartut timmisartoq ingerlaqqissinnaanersoq akuersissutigeqqaassagaat.
- Mittarfik arfernup-qeqqata tungaanut matoqqagallassaaq, angalasussallu qanoriliortoqarnissaa flyinfo.gl-imi malinnaavigisinnaavaat, ingerlatsinermut pisortaq Niels Grosen oqarpoq.
Ajutoorneq nalunaaqutaq pingasut qaangerlugu tanneq ataaseq pisoq oqarpoq. Ajutoortoqarneranullu suna pissutaanersoq Niels Grosenip oqaatigerusunngilaa, ajutoortoqarnerani paasiniaasartut misissuitinnagit.
Mittarfilli ajoquteqarsimannginnerarpaa. Timmisartup assakaasuata aappaani kigaallattaa ajoquteqarsimasoq taamaasilluni timmisartoq mittarfiup sinaanut ingerlaannarsimasoq timmisartortartup ilisimatitsissutigaa.
