Timersullammaat toqqarneqarput

Nunatsinni ukiup timersullammaanik Timersoqatigiit Kattuffiat toqqaavoq. Taassuma saniatigut timersoqatigiiffimmik aqutsisuulluartumik kiisalu sungiusaasuulluartumik aningaasartalimmik nersornaasiisoqarluni.

Nunatsinni ukioq manna timersullammattut toqqagaavoq Ilulissaneersoq sulorartartoq Bror Madsen. Taanna aasaq qeqertarmiut Shetlandip qeqertaani unammiuaarmata angutit sulorarneranni nunatsinni siullersaalluni gultinnappoq, arnat angutillu iligiiaarlutik unammineranni bronzennalluni. Bror Madsen sulorartarnermi saniatigut aamma isikkamik arsartartuuvoq.

Timersullammammik toqqaanerup saniatigut timersoqatigiiffimmik aqutsisuulluartumik kiisalu sungiusaasuulluartumik aamma toqqaasoqarpoq.

Tae Kwon Dortartoq Narsameersoq Bolethe Steensgaard, Narsami nunatsini taekwondortartut peqatigiiffianni kattuffiannilu siulittaasoq aqutsisuulluartutut nersornaaserneqarpoq.

Sisorartartoq Aqqalu Skifte Maniitsumeersoq sungiusaasuullammattut toqqagaavoq. Aqqalu Skifte inuusuttuaraallunili Maniitsumi sisoraatinik arpannermut meeqqanut inuusuttuaqqanullu sungiusaasalersimavoq. Sisoraatinik arpannermut sungiusaasuunermi saniatigut Maniitsumi meeqqanut assammik arsartartunut aamma sungiusaasuulluni.

Nersornaaserneqartut tamarmik immikkut 5000 koruuninik tunineqarput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat