Tilioq nutaamik illersuisussarsiussasoq
Tilioq Christina Johnsenip atuuffimminit soraarniuteqarnera pissutigalugu nutaamik Innarluutillit Illersuisussarsiortussanngorpoq.
Christina Johnsen Tiliumi atuuffimminit soraarniarpoq.
Allattoq Mathies Hvid Toft
marsip 03-at 2021 14:53
Christina Johnsen ukiut pingasut affangajallu Tiliumi illersuisooreerluni Innarluutillit Illersuisuatut atuuffimminit soraarniuteqarpoq.
Tamanna Tiliup Facebookimi qupperneratigut paasissutissiissutigaa.
- Aalajangiineq oqitsuusimanngilaq, aamma ingerlaannaq tunniutiinnanngilanga. Qujassutissaqarfigingaarpassi suleqatigiinnitsinni. Qujanaq tatiginninnermik takutitsinissinnut. Ajunnginnerpaamik kissaappassi, Christina Johnsen allappoq.
AAMMA ATUARUK Siunnersuut Tiliumit isorineqartoq: Sipaarniarneruvoq
Christina Johnsen Innarluutillit Illersuisuatut 2017-imi novembarimi atuutilerpoq.